رواية جديدة (هارون)
المحتويات
هينفع نفتتحه من غيركم لأن انا هسيب أدارة الدار لحضراتك مع عمي حسان وخالتي زهرة كمان تيدروها وتكونوا مسؤولين عنها
نزلت عبرات ميسرة ولكن تلك المرة هى دموع فرح ونظرت له ممتنة
انا مش عارفة أقولك أيه غير أني أدعيلك ربنا يسترها معاك ويجازيك كل خير يارب
أبتسم هارون وشعر بسعادة بالغة لأنه تمكن من أدخال الفرح على قلوب أتعبتها ڼار الفراق
ودعوتك دي عندي بالدنيا يا طنط وتهون عليا أي تعب شوفته بجد
أشار هارون لداخل المنزل وطلب منهما الدخول
أتفضلي من هنا أتفضل يا عم حسان
ثم قال له
أومئ حسان له برضا
إكيد يا أبني وهى دي حاجة حد يتإخر عنها بس انا ليا طلب شغلي هنا هيكون بعد الضهر على ما معاد شغلي يخلص
أشار هارون على أحدى الغرف
أتفضلوا هنا دي أوضة رئيس الدار
ثم وجه حديثه مرة أخرى لحسان
طيب ممكن تاخد أجازة عشان تفضى للدار كليا وأكيد هتاخد مرتب هنا بدل مرتبك
هز حسان رأسه برفض
لأ معلش أعذرني يا هارون يا أبني انا شغلي في الدار هيكون لله وبدون مقابل وكل الحكاية الساعتين بتوع الصبح وعلى الضهر هكون هنا وميسرة والست زهرة خالتك شطار وميتخافش عليهم أكيد مش هيغلبوا في الساعتين اللي هغبهم
تمام يا عمي زي ما حضرتك تحب
دخلوا ثلاثتهم لغرفة الإدارة فوجدوا زهرة تجلس خلف المكتب المتواجد بها تمسك بعض الأوراق تطالعهم بدقة وتركيز ألقى هارون عليها التحية لكي تنتبه لهم
السلام عليكم ورحمة الله وبركاته
رفعت زهرة رأسها ثم نزعت نظارتها الخاصة بالقرأة ونظرت لهم فأرتسمت على وجهها ابتسامة عذبة فور رؤيتها لميسرة ونهضت برفق وهى تفتح ذراعيها تستقبلها بحفاوة
ميسرة أزيك يا حبيبتي عاملة ايه
أقتربت منها ميسرة تضمها بحب
الحمدلله بخير يا مدام زهرة أزيك أنت عاملة ايه وصحتك أزيها
انا الحمدلله بخير يا حبيبتي وفي نعمة
ثم عاتبتها بلين
بس أيه مدام زهرة دي هو انا عشان أكبر منك كام سنة هتعملي فرق
نفت ميسرة بابتسامة
لأ يا حبيبتي مش فرق دا تقدير واحترام وعلى
العموم انا هقولك يا أم حمدي عشان سامحيني مش هقدر أقولك زهرة كدا
أومأت لها زهرة متفهمة
خلاص نمشيها أم حمدي
ثم نظرت لحسان وحيته بإيمائة
أزيك يا أستاذ حسان عامل أيه
أبتسم لها حسان وهز رأسه برفق
الحمدلله بخير يا أم حمدي الحمدلله أننا شوفناك بخير
زفرت زهرة برضا
ثم نظرت لهارون وفتحت ذراعيها تضمه بحنو
أجمل مفجأة عملتها يا حبيب قلبي انا ساعة ما حمدي جابني هنا من شوية مكنتش مصدقة نفسي
ضمھا هارون برفق يقبل كتفها بحب
كان نفسي أكون موجود في استقبالك وأشوف فرحتك بالدار بنفسي لكن هعمل ايه هو حمدي طول عمره كدا
ابتعدت زهرة عنه ضاحكة ثم لكزته برفق في ذراعه
هههههههه طول عمره عسل وقمر كمان تقدر تنكر
أبتسم هارون قائلا بسخرية
اه قمر بس أمر بالستر
ثم نظر لخارج الغرفة
المهم هو فين عشان عايزة
أومأت له زهرة تغمز بأحدى عينيها
راح يجيب سهيلة من المستشفى بعد ما جلستها مع الدكتور النفسي خلصت
هز هارون رأسه متفهما
أخبارها أيه يا خالتي يا ترى مستجيبة للعلاج
تنهدت زهرة براحة وهى تشيح بيدها
كتير كتير موضوع الدكتور ده فرق معاها وخلاها ترجع لطبيعتها تاني
أبتسم هارون لها والټفت ناحية ميسرة حين بادرته بسؤالها الذي شعر فيه بغيرتها وحزنها لظنها أنه سيخلفها في حياته خلفا لسدرة
مين سهيلة دي يا هارون
أقترب منها هارون ووقف في مقابلها ونظر لها
دي بنت حمدي صدمها بعربيته يوم الحاډثة بتاعتي وهو جاي ليا المستشفى رمت نفسها قدام عربيته عشان نفسها بس ربنا قدر ولطف الحمدلله والدكتور طلب من حمدي أنها تروح تتعالج عند دكتور نفسي لأنها ممكن تكرر الموضوع ده تاني وخالتي جابتها عاشت معانا عندي في القصر عشان تراعيها لغاية ما تخف وترجع طبيعية
نظرت ميسرة بحزن وعتاب لزهرة فشعرت بها الأخيرة من دون أن
تتحدث فأقتربت منها تربت على ذراعها
مټخافيش يا ميسرة مفيش حد هياخد مكان سدرة في حياة هارون حتى لو ملكة نزلة من السما والبنت انا جبتها لأنها غلبانة والدنيا جاية عليها بزيادة وانا لا يمكن كنت اسيبها وقررت اساعدها لأني أعتبرتها بنتي ربنا يعفو عنها ويشفيها
أومأت لها زهرة بابتسامة وعيناها تلمع بالعبرات ثم نظرت لهارون الذي وجدته يبتسم لها بحنو
بنات الدنيا كلها ميملوش عيني لأني مش شايف ولا هشوف غير سدرة وبس
نزلت دموع ميسرة وهزت رأسها برفض
انا لو حاسه أن سدرة لا قدر الله ماټت مكنتش هزعل لأن دا من حقك بس احساسي بيها أنها عايشة بس معرفش هى فين ولا أيه اللي حايشها عني ولو رجعت ولقيت في غيرها في حياتك هتتجرح قوي يا هارون دي حبيتك أكتر من نفسها
زفر هارون بحزن
وانا كمان حبيتها أكتر من حياتي ولا يمكن غيرها يدخل حياتي وأن شاءالله سدرة عايشة وهترجع لينا وقريب
في سيارة حمدي جلست سهيلة بجواره شاردة تنظر من زجاج السيارة لا تعي لنظرات حمدي
متابعة القراءة
