رواية جديدة

به جلس على أقرب مقعد واضعا ساق فوق الآخر قائلا بصوت غليظ
_ افتحي عينيك يا شوكولاتة أنا عارف إنك
صاحية هتهربي مني فين يعني!
فتحت عين و جعلت الأخرى مغلقة بشكل كوميدي حدقت به لمدة دقيقة عرفت من هو على الفور الرجل الذي أخذ منها الطماطم منذ ثلاث ساعات و قبل أن تفتح فمها بكلمة واحدة حرك رأسه مردفا بتأكيد
_ أيوة أنا يا شوكولاتة طبعا مش عارفة تتكلمي هشيل اللاصق... بس مش عايز دوشة فاهمة.
أومأت برأسها عدة مرات أخذ نفس عميق يعود به إلى رشده ثم عاد للخلف مردفا بكبرياء
_ أنا فاروق المسيري.
شهقت بعدم تصديق قائلة
_ أنت الحرامي أخو الست جليلة آه يا موكوس بقى ليك عين تتكلم بكل غرور.. اتكسف من خيبتك.

الصدمة تلك
_ الأحسن ليكي انسي كلامك يا روحي عشان رد فعلي مش هيعجبك خالص.
بغيظ شديد سألته
_شايف الشبشب إللي في رجلي ده يا فاروق بيه
أومأ لها بابتسامته الأكثر من مستفزة لتكمل حديثها پغضب
_ هينزل يزغرط على وشك لو بس فكرت تقرب خطوة كمان سحبت الأكسجين كله في إيه يا جدع اختشي.
عاد إلى مقعده بهدوء يضع ساق فوق الآخر و يريح نفسه على المقعد أكثر..
_ مستعد أدفع ليكي عشرين مليون جنيه مقابل خدمة بسيطة. رأيك إيه يا شوكولاتة!
______ شيماء سعيد ______
استغفروا لعلها ساعة استجابة 
النسمة الخامسة 
بداية_الرياح_نسمة 
حي_المغربلين 
الفراشة_شيماء_سعيد
بعد مرور أسبوع يوم خطوبة عابد و فريدة.
في شقة الحاج منصور غرفة عابد.
أخذ عطره المفضل لديها كما قالت له كثيرا و بدأ يمطر به على ملابسه من أول نظرة أحبها و الآن متيم بعشق مميز مثل رائحة الفاكهة النابعة منها أخذ يدندن ببعض النغمات المعبرة عن انتصاره و فوزه بحبها
_ أهو جه اليوم اللي بتمناه و اللي هبقى معاه و اللي بحلم بيه..
فصل خلوته اللذيذة عمله الأسود بالحياة أخيه مالك الصغير مثل عادته يدلف لأي مكان بكل فوضى و مرح
_ يا عريس يا عريس مبروك يا كبير أخبارك ايه بقى.
ألقى عليه نظره مستفزة قبل أن يأخذه من ملابسه خارج الغرفة قائلا بسخرية
_ كنت كويس لحد ما شوفت وشك اليوم قفل على كده غور من هنا ياض.
أبعد مالك يد عابد بغرور مردفا
_ حاسب بس لحسن البدلة تبوظ و أنا أصلا استعرتها من الدولاب من عندك..
ابتسم عابد پغضب قائلا و هو يصفعه على رأسه
_ استعرتها و الا دخلتها على صحتك امشي من ادامي أنا النهاردة مش ناقصك عايز أفضل طاير من الفرحة كدة..
قهقه عليهما الحاج منصور المتابع للحوار من بدايته أولاده أكبر دافع له بالحياة خصوصا بعد ضياع جليلة من يده مع ذكر جليلة يتمنى الساعة تأتي الثامنة سريعا حتى يراها فهو مشتاق و لديه أكبر لوعة..
مهما الأيام مرت ستظل بالنسبة له أكسجين حياته يتنفسها و يصبر نفسه بأنها من البداية حقه من الزمان..
إقترب من عابد و مالك قائلا بسخرية 
_ مش عايز مشاكل عند الناس أنا عرفكم خلفة و بصراحة بقى متشرفوش.
أجابه مالك بإبتسامه مشاكسة قبل أن يفر من المكان صاعدا لشقة جليلة
_ عندك حق يا حاج مش عارف ليه تجوزه ده يقطع علاقتك بجيران السعد..
______شيماء سعيد______
بالمشفي التي يقيم بها فارس المهدي اجتمعت عائلة المهدي بالصعيد مع حشد كبير من النجوم و رجال الأعمال مع الصحافة و الإعلام بالمكان تحت عنوان بظروف غامضة يصاب النجم فارس المهدي من شخص مجهول الهوية و الاحتمال الأكبر أنها فتاة ..
بالغرفة كان متسطح على الفراش و عينيه شاردة بملامحها البسيطة الساكنة برأسه ربما لم يراها بشكل جيد إلا أنه وقع بغرامها و أعترف لنفسه بذلك.
تعلق بها بليلة أخذ بها أكبر ذنب بحياته هو دائما تحت الأضواء و رأى الكثير و الكثير من الفتيات الجميلة إلا أن تلك الفتاة مختلفة مثل اختلاف
الليل و النهار.
توقع عند استيقاظها الكثير من ردود الفعل إلا الهروب و ترك كل شيء خلفها ببساطة تخيل طلبها للزواج منه حتى يصلح ما أفسده كان سيوافق بكل رحابة صدر إلا أنها هدمت طوق النجاة الوحيد له..
عيونها المميزة سحبته ليغوص بداخل جنتها الرائعة فاق من شروده على صوت فرحة الهادي 
_ فارس عمو و العيلة راحوا يرتاحوا شوية محتاج مني حاجة!
موقفه أمامها أكثر من مخجل من تلك الليلة و هي تتعامل معه بطريقة جادة و ربما حزينة رفع عينيه لها بجدية لتنظر بعيدا
لا تعلم لما ترفض النظر إليه خصوصا بعد ما رأته عليه.
حاول الاعتدال لتقوم بسرعة تساعده على ذلك ثم عادت إلى مقعدها ليردف بجدية
_ عارف إنك مش قادرة ترفعي عينك و تشوفي عيني معاكي حق أكيد صورتي جواكي بقت حاجة تانية مش هقدر اوصفها مع إني حاسس بيها جوا تصرفاتك بس الحقيقة إني كنت أول مرة أشرب و هي كمان أنا حتى أول مرة أشوفها..
أخذت نفس عميق تربيتها و حياتها مختلفة بشكل كامل عن حياته بالقاهرة و عمله بالوسط الفني ربما ما تراه كبير