رواية حب مجهول الهوية بقلمي ملك إبراهيم.

بنرفزه لا بقى هو انا واقف مع أطفال لا ايه..
وزعق في طاهر وقاله اقعد هنا كده وملكش دعوة بيها خالص..
وكلمني انا كمان بزعيق وقالي قولتلك طاهر عايش وهو بيهزر معاكي وبيخوفك.. خلينا نقعد عشان نعرف نتكلم.
هزيت راسي پخوف وانا بحاول مبصش على طاهر وكنت ماسكه في طارق وهو بيقعدني وقعد جنبي وبحاول اخفي وشي فيه عشان مشوفش طاهر وسمعت صوت طاهر وهو بيتكلم بنبرة جادة احلام خلاص مټخافيش انا كنت بهزر معاكي والله.. انا فعلا عايش ولو مش مصدقه انا ممكن اقوم اجيب سکينه دلوقتي حالا اضربلك نفسي بيها عشان لما اموت تصدقي اني كنت عايش. 
بصتله پصدمة وطارق
كتم ضحكته وزعق فيه بقولك ايه خف عليها.. هي هتهدى دلوقتي وهتستوعب كل حاجة بس هي بتاخد وقت شويه.
بصتلهم الاتنين وسألتهم بتوتر يعني طاهر فعلا عايش.
طاهر بنفاذ صبر يوووووه طب اعمل ايه عشان تصدقي.
اتكلمت بتوتر خلاص صدقت.
طارق مسك ايدي وقالي احلام انا هفهمك كل حاجة وكمان هقولك ايه اللي حصل في القطر لما كنتي نايمه ..
وبدأ طارق يحكي اللي حصل بينه وبين طاهر اخوه وانا كنت بسمع بكل تركيز..
طارق الحكاية بدأت من شغلي في علم الآثار.. من فترة كنت شغال على بحث مهم جدا قدرت اكتشف فيه اماكن محدده متوقع بنسبه كبيرة ان فيها مقاپر فرعونيه لسه مكتشفتش لحد الان..
بصتله بانبهار وحسيت انه بيقول كلام كبير اوي ومش بس كده دا حبيبي شكل شغله مهم اوي وخطېر وده كان واضح من كلامه وكمل كلامه وقال..
طارق في معلومات عن البحث ده اتسربت وفي ناس لسه معرفتش هويتهم لحد الان كانت مهمتهم انهم يحصلوا على البحث ده بأي طريقه بس طبعا بعد ما البحث يكتمل..
بصيت ل طاهر وانا بسمع الكلام الخطېر ده ولقيت طاهر بيبصلي وهو بيكتم ضحكته وكأن واضح عليا اني مش فاهمه نص الكلام اللي بيتقال بس واضح جدا انه كلام مهم وخطېر..
طارق الناس دول قدرو يوصلوا ل عمي وشاركوه في شغل كتير وعمي فرح ان شغله بيكبر بسرعه وطاهر بما انه كان بيتشغل مع عمي ف اصبح شريك ليهم هو كمان..
بصيت ل طاهر پصدمة ولقيته بيبرق عينيه عشان يخوفني وبصيت ل طارق بسرعه ولمحت طاهر وهو بيضحك وطارق كمل كلامه..
طارق الاستاذ طاهر بقى كان فرحان برضه بشغله مع الناس دول وواحدة واحدة اكتشف انه اتورط معاهم في شغل خارج عن القانون وعمي ومرام ميعرفوش هدف الناس دول الحقيقي وكل اللي يعرفوه شغلهم التاني اللي شاركوهم فيه وطاهر لما حاول يبعد عن الشراكة دي مرام
استغلت حب طاهر ليها واوهمته انها بتحبه واتجوزوا..
بصيت ل طاهر ولقيته بدأ يركز مع كلام طارق وواضح ان الكلام اللي هيتقال دلوقتي اهم من اللي اتقال وركزت معاه انا كمان..
طارق الناس دول بدؤ يظهروا هدفهم الحقيقي ل طاهر وطلبوا منه يسرق النسخه الاصليه من البحث بتاعي ويسلمها لهم دا بعد ما عرضوا عليه فلوس كتير جدا..
بصيت ل طاهر لقيت ظهر عليه الحزن وخفض وشه في الارض وبصراحة زعلت عشانه وبصيت ل طارق تاني..
طارق طاهر للحظة فكر في عرضهم وكان ناجي الصديق المقرب ل طاهر وكان بيشجع طاهر انه يتعاون مع الناس دول وينفذ اللي يطلبوه منه وطاهر كان خلاص اتورط معاهم في شغل كتير وفهم من كلامهم انهم ھيقتلوني اول لما يحصلوا على البحث..
شهقت پصدمة وانا ببصله وهو كمل بهدوء. 
طارق طاهر قدر يتواصل معايا في سريه وحكالي كل اللي يعرفه وكل اللي طلبوه منه وانا بدوري بلغت الشرطة في سريه تامه وعملنا خطه عشان نكشف الناس دول وطاهر طلب منهم مبلغ كبير جدا عشان يصدقوا انه طمع في الفلوس وكان جزء من الخطه ان طاهر ېموت وشنطة الفلوس تختفي لانهم مكانوش هيسبوا طاهر عايش لانه كان عرف هدفهم في سړقة البحث.
بصتلهم پصدمة وقولت طب وبعدين يعني
الناس دول صدقوا ان طاهر ماټ.. ودلوقتي هما عايزين الفلوس ولا البحث
طاهر هو اللي رد عليا المرادي وقالي ناجي هو اللي عايز الفلوس والناس دول عايزين البحث وطول ما هما مش قادرين يوصلوا للبحث هيفضلوا يحاولوا من بعيد وبكل الطرق..
احلام طب لو خدوا البحث .. يعني طارق ممكن يديهم بحث غلط او الشرطة تدخل.
طارق ابتسم لي وقال مجرد انهم ياخدوا البحث حتى لو كان غلط اول حاجة هيعملوها ھيقتلوني.
شهقت پصدمة بعد الشړ عليك يارب هما اللي يموتوا كلهم.
طارق ضحك ومسك ايدي وقالي انا مكنتش عايز ادخلك في كل ده بس انتي دلوقتي من حقك تعرفي كل حاجة عني.
طاهر بصلنا وابتسم وانا سألتهم بفضول طب هو طاهر كان معانا في القطر ازاي وناجي ده طلع القطر ومشافوش!!
طارق لا اصل طاهر ركب القطر معانا بعد ما ناجي نزل هو ورجالته.
بصتله تغراب قصدك يعني لما انا كنت نايمه في القطر
طارق المفروض مكنش
حد يكون معايا في القطر لان طاهر كان هيركب معايا القطر في المحطة اللي اسوان وانتي كنتي موجودة ونايمه وانا عشان ان انك متصحيش وتشوفيه او تسمعي الكلام اللي دار بينا في القطر اضطريت اخدرك.
بصتله پصدمة وقولتله مش انا قولتلك انا كنت شاكه من الاول انك خدرتني لان نومي ده مكنش طبيعي ابدا.
طاهر بس بصراحة انتي صعبتي عليا لما شوفتك بټعيطي وانتي نايمه ولما سألت طارق وقالي انك بټعيطي عشان تليفونك باظ الحقيقه اتآثرت جدا وكنت ھموت من الضحك.. 
واڼفجر طاهر في الضحك وانا بصتله بغيظ وطارق اتكلم وهو بيبتسم على فكرة التليفون اللي انتي اخدتيه ده انا كنت مجهزه ل طاهر عشان اكون متابعه طول الوقت ولما حصل ان تليفونك اتحرق طاهر اللي طلب مني اديكي تليفونه.
بصيت ل طاهر بغيظ وهو بيضحك وقولتله كتر خيره والله..
وبصيت ل طارق يعني انت مكنتش قاصد تراقبني انا عن طريق التليفون وكان المقصود طاهر
رد طارق وهو بيبصلي اوي لما شوفت دموعك بتنزل من عينيكي وانتي نايمه عشان تليفون!! كنت عايز اعمل اي حاجة عشان اسعدك ووقتها حسيت ان سعادتك مسؤولة مني.
بصتله بحب وانا من جوايا بشكر كل الظروف اللي قربتني منه وفوقت من نظراتي له على صوت طاهر. 
طاهر احم.. احم.. نحن هنا.
اتكسفت وخفضت وشي وطاهر اتكلم مع طارق وسأله المهم دلوقتي احنا هنعمل ايه في اللي جاي....بقلمي ملك إبراهيم. 
الحلقة_26
حب_مجهول_الهوية
بقلم_ملك_إبراهيم
لما شوفت دموعك بتنزل من عينيكي وانتي نايمه عشان تليفون!! كنت عايز اعمل اي حاجة عشان اسعدك ووقتها حسيت ان سعادتك مسؤولة مني.
بصتله بحب وانا من جوايا بشكر كل الظروف اللي قربتني منه وفوقت من نظراتي له على صوت طاهر. 
طاهر احم.. احم.. نحن هنا.
اتكسفت وخفضت وشي وطاهر اتكلم مع طارق وسأله المهم دلوقتي احنا هنعمل ايه في اللي جاي
طارق بصلي وبص ل طاهر وكان بيفكر وقال للاسف كل الخطط اللي كنا متفقين عليها لازم تتغير.
رد طاهر دا بعد ظهور احلام في حياتك صح
بصتلهم بستغراب وسألته هو ظهوري في حياته بوظ الخطط بتاعكم
رد طاهر يعني لما طارق اتجوزك كده كل خطتنا هتتغير لان طارق كان المفروض هيتجوز واحدة تانيه خالص.
شهقت پصدمة وبصيت ل طارق وسألته كنت هتتجوز واحدة تانيه مين
طارق بص ل طاهر بتحذير وانا كنت خلاص هعيط وسألته تاني وعيوني لمعت بالدموع كنت هتتجوز مين يا طارق رد عليا
طارق بهدوء يا حبيبتي دي خطة احنا كنا عاملينها وكان هيبقى جواز من ن خطتنا مش اكتر..
احلام بس قولي برضه كنت هتتجوز مين انا عارفه ان مرام بتحبك.. هي مرام صح
طارق بصلي پصدمة وبص ل طاهر اللي خفض وشه بحزن وانا حسيت اني قولت كلام مينفعش يتقال وبصيت ل طاهر بحزن ومعرفتش اتراجع عن الكلام اللي قولتله بس طارق رد عليا وحاول يصلح اللي انا قولته.
طارق انا ومرام عمرنا ما حبينا بعض يا احلام وبعدين متنسيش انها لسه مرات طاهر.
اتكلم طاهر بحزن احلام عندها حق يا طارق.. انا كمان عارف ان مرام بتحبك ومتجوزتهاش غير وانا متأكد ان انت مفيش في قلبك اي مشاعر اتجاهها بس كنت فاكر اني هقدر اخليها تحبني وللاسف طلع جوازها مني مبني على مصلحة وانا غلطت اني فكرت اتجوز واحدة مش بتحبني وان شاء الله اول لما الموضوع ده ينتهي هطلقها رسمي.
وقام طاهر بحزن وقال انا هطلع اقف برا اشم شوية هوا وارجعلكم تاني.
خرج طاهر وانا قاعده مكسوفه من الكلام اللي قولته وطارق بصلي بطرف عينيه وكان واضح انه زعلان مني وانا قربت منه واعتذرت بحزن.
احلام انا اسفه مكنش قاصدي اقول كده قدامه.
طارق مردش عليا
اسفه
مردش
اسفففففه
برضه مردش
قربت من خده وطبعت عليه ه خفيفه وقولتله انا اسفه.
بصلي و رد اخيرا وقال مكنش ينفع تقولي كده وخصوصا قدام طاهر.. تخيلي لما حد يقول ان مراتي بتحب واحد تاني غيري والشخص ده اخويا.. انا احساسي هيكون ايه!
حسيت بالحزن وقولتله عندك حق انا اسفه والله بس لما سمعت ان انت كنت هتتجوز واحدة غيري اټجننت ومعرفتش انا بقول ايه.
طارق لازم تحاولي تتحكمي في نفسك يا احلام وتفكري في كل كلمة ما تقوليها.
خفضت وشي
وقولت عندك حق.. انا اسفه.
مسك ايدي وهو بيبصلي بحب وقال حبيبتي انا مش عايزك تعتذري انا عايزك تكوني قوية يا احلام.. انا عارف انك شخصيه عفوية وتلقائيه وده اللي شدني ليكي ومش عايزك تتغيري ابدا بالعكس بس برضه لازم تفكري شويه في كل كلمة بتقوليها عشان متآذيش مشاعر حد ڠصب عنك.
هزيت راسي وقولتله عند حق.. طب ممكن اطلع اصالح طاهر.
طارق نعم تصالحيه ازاي يعني!
ضحكت وانا بسند على كتفه وقولتله بحب اكيد مش زي ما بصالحك يعني.
ضحك وقالي لا سيبيه هطلع انا
اتكلم معاه.
احلام عشان خاطري يا طارق سيبني اصالحه انا لان دي اول مرة نتعرف على بعض ومش عايزاه يزعل مني.
بصلي وهو بيبتسم وقال ماشي يا
________________________________________
احلام اطلعي صالحيه.
ته من خده تاني وقومت بحماس وهو كان ييبصلي ويضحك وخرجت برا البيت وكان طاهر واقف بعيد وبيبص في الفراغ والجبال حوالينا في كل مكان وانا قربت منه بخطوات هاديه ووقف وراه ونطقت اسمه بصوت هادي.
احلام طاهر.. ممكن نتكلم شويه.
لف بجسمه بصلي وابتسم وقال طبعا.. بس لو فاكره اني زعلان منك عشان اللي قولتيه جوه من شوية.. اطمني انا فعلا مش زعلان منك لان اللي قولتيه ده هو الحقيقة.
قربت منه ووقفت جنبه وانا ببص على الجبال وبعدين بصتله وقولتله لا مش ده الحقيقه.
بصلي بستغراب وانا بصتله بثقة وقولت ممكن اسألك سؤال.
طاهر اتفضلي.
احلام انت حبيت مرام ليه
طاهر وقف يبصلي بستغراب وحيرة وكأن السؤال ملوش عنده اجابه وقال