رواية بقلم فاطمة الالفي

الطاوله بقوه وهو يتواعد لهم بفصلهم من عملهم .
والله عال مافيش أي احترام لدكتور اللى واقف قدامكم وكمان جيبن سيره دكتور تاني أنا بنفسي هقدم فيكم كلكم شكوى لدكتور راؤوف هو بقى اللى يتصرف مع امثالكم ومش بعيد يفصلكم كلكم ونرتاح من وشك الفقر ده وعايز اوضح لكم ثغره كده اخيره قبل ما اقدم الشكوى عارفين دكتور اسر ودكتوره ايسل يبقو اخوات يا شويا ... بلاش اكمل كفايه عليكم كده 
تركهم فى صډمه من واقع كلماته بسبب ما تفوه به وبسبب ما يحدث معهم من اداره المشفى ..
اما باسل فشعر بالانتصار وارسل الى معشوقته غمزه وهو يهندم من معطفه الطبي ويسير فى طريقه لابلاغ مدير المشفى بما يحدث من هولاء الممرضات اللذين تركو أعمالهم ويجلسون يتثامرون ويتحاكون عن الأطباء التى تعمل بالمشفى فهو اراد ان يلقن الجميع دراسا لن ينسوه ...

علت شهقاتها بعدما اختنقت من كثره البكاء منما جعله يصف السياره جانبا وتحدث بحزن وهو ينظر لها بحنان
ايسل ممكن تبصيلي
تطلعت اليه بعينيها المغرقه بالدموع رفع انامله ليمسح عن وجنتيها تلك الدموع المتساقطه ثم التقط رأسها وهو يربت على خصلاتها برفق ويهمس بصوته الدافئ
عارف انك زعلانه من ماما أنا كمان سالتها نفس الاسئله وزعلان جدا كمان بس ماما دلوقتي مريضه سكري وماتتحملش زعل احنا دكاتره وفاهمين اللى ممكن يحصلها عشان كده عشان خاطري نهدى كده ونسامحها مهما كان هى امنا يا ايسل وننسي اللى حصل زمان عارفه أنا كمان هسامح بابا وهاخده فى حضڼي عشان انا محتاجله اووى يمكن اكتر ماهو محتاج لحضني .
ابتعدت عنه بهدوء لو ماما كانت حاولت تتمسك بعلاقتها مع داد ونكمل حياتها ماكنش حصل بينا فراق اسر 
ابتسم على برائتها ببساطه الامور 
قل لن يصيبنا الا ما كتبه الله لنا وكل ده مقدر ومكتوب يا حبيبتي حتى من قبل لم نتولد كمان مين عارف مش كده كان احسن ليهم ممكن كانوا عاشوا مع بعض وماحدش فيهم متحمل التاني واحنا بردو نتشتت بينهم لكن الحمد لله حياتنا مستقره واحسن من غيرنا كتير بصي شوفي نفسك بقيتي ايه وعشتي فى أجمل مكان بالعالم 
انهى حديثه بمرح ليجعلها تضحك هى الأخرى 
وأنا كمان بقيت دكتور ناجح الحمد لله وكمان مساعد جراح مش اى دكتور يعني وأنا وانتي مع بعض دلوقتي عايزين ايه تاني بذمتك مش ده الحلو فى الموضوع ههه ايه رايك ننظر الايجابيات وبس 
انت احسن حاجه حصلتلي فى حياتي بجد فخوره ان عندي أخ مثلك 
طبع قبله حانيه اعلى جبينها ثم عاد يدور محرك السياره لينطلق الى فيلا عمه لكي يلتقى هو الاخر بوالده فهذا اللقاء الذي طال انتظاره ...
بشركه السياحيه الخاصه بماجد كان يتابع عمله بجديه الى ان أستمع لصوت طرقات اعلى باب مكتبه جعلته يكف عن متابعه عمله ويصوب انظاره اتجاه الباب وهو ياذن للطارق بالدخول ..
دلفت حياه وهى تسير بخطوات ثابته لتقف امام مكتبه 
ممكن اخد من قوتك دقيقه 
اجابها بجديه أكيد اتفضلي 
حضرتك فى فوج الماني هيوصل بعد بكره وكان عندي اقتراح كده صغير
نظر لها باهتمام ليجعلها تكمل حديثها
بدل حجز الغردقه نجحز فى دهب كمان الغردقه يعنى مش واو والاماكن هنا بقيت معروفه مافيش جديد لكن دهب

بقى ايه جمال ايه واماكن جديده فعلا مكان انبهار 
انتي بقى روحتي دهب قبل كده 
هزت رأسها بالنفي منما جعله يتعجب بسبب اصرارها على الذهاب الى دهب 
يعني مرحتهاش قبل كده وجايبه منين الثقه اللى بتتكلمي بيها عنها وجمال ايه ومكان ايه انبهار مش كده 
لاحت ابتسامه اعلى ثغرها وهى تهز رأسها بمرح 
بس نفسي اروحها وبعدين أنا عملت سيرش عنها وعن كل الأماكن اللى فيها وبجد والله حاجه فوق الخيال بص حضرتك مش هتتدم نغير بقي شرم الشيخ والغردقه المعتاد 
شرد قليلا وتذكر مطلبها قبل ايام وهي رغبه والدتها بعدم السفر والتزام العمل بداخل الشركه 
وانتى بقى متحمسه وعايزه تسافري دهب مش كنتي طلبتي مافيش سفر خارج حدود القاهره 
ابتسمت بايمائه بسيطه هو احنا هنبعد ما دهب جوه العاصمه مش هنروح عاصمه تانيه يعني وبعدين أنا بحب شغلي جدا وبحب السفر جدا جدا وان كان على ماما بابا هيقنعها عشان هو بيثق فيه وفى شغلي 
تحدث ماجد بابتسامه جدا جدا 
أكملت بحماس قولت ايه حضرتك فى العرض ده 
هو مبدائيا مش معترض بس محتاج اعرف ايه الإمكان اللى هناك واكيد اللى بيتميز بدهب عن شركة والغردقه وغيرها عشان الفوج الالماني ViB مش عايز أي غلطه
وده بقى سفير ولا وزير ولا ايه
هو عشان VIB لازم ليكون سفير او وزير بس ماينفعش يكون حاجه تانيه غيرهم مثلا رجل أعمال رجل اقتصاد مستثمر او صاحب شركه سياحيه وانهى حديثه وهو يشير الى نفسه
ابتسمت برقه مثلا يعني 
تحدث بجديه مطلوب اعرف ايه اللى ممكن نروحه وتختاري احسن الأماكن هناك ويكون عندي علم بكل حاجه 
اخرجت من جيب سترتها ورقه وبدءت تقرا ما خطته بيدها
دهب مكان مفيش زيه في العالم من اجمل بقاع جنوب سيناء
اجمل حاجه في دهب ان متعتها مش في فنادق خمس نجوم تقعد فيها دهب متعتها في الكامب والكوخ والقعده على شط اللاجونا بالليل .
اولا اماكن الخروج والسهر في دهب ..
البلو هول من احسن الاماكن اللى ممكن تروحها في دهب وتعمل فيها سنوركلينج لانها فعلا مصنفة عالميا بالشعب المرجانية
محمية ابو جالوم بلو لاجون و دى رحله باللانشات بتطلع من البلو هول بتوصل أبو جالوم بتقعد في كامبات على البحر هناك بتنزل تعمل السنوركلنج هناك وفعلا فيها اجمل الشعب المرجانيه اللى ممكن تشوفها في حياتك عشان كدا اسمها محمية 
جبل الطويلات دي بقى منطقة تروحها مع حبيبتك أو صحابك ومن اجمل اماكن السهر في دهب تقدر تعمل سهرة بدوية وتتعشى هناك وكمان بيبقى فى حفله D J و Fire Show وتنورة وحفله جامده جدا وتعيش احلى السهرات اللي في دهب
الثري بولز 3Pools دي بقى خروجه عظيمة عبارة عن حمامات سباحة طبيعية من مية البحر اتعملت من الشعب المرجانية تنزل فيها وتنسى كل مشاكلك في الحياة الماية هناك عظيمة وتعمل احلى سنوركلينج و دايفنج هناك
وادى جنى دي منطقة رحلات سفاري هتقعد وسط الصحراء قريبة من جبل الطويلات والمكان كمان ممتع جدا.
سفارى ال Beach Buggy احلى رحله سفارى ممكن تعملها بتبقى فى وادى جنى بتبقى من ساعه لساعه ونص مع احلى شاى بدوى بتشربوه في الواحه
منطقة الكيفز هناك هتعمل سنوركلينج وتدخل تشوف الكهوف اللي تحت الشط ومليانة عدد كبير من الأسماك المتنوعة والشعب المرجانية وحاجة اخر جمال .
شاطئ اللاجونا شاطئ رملي تشوي على البحر بليل وتنام لحد الشروق
اللايت هاوس شاطئ في قلب البلد مليان كافيهات وتعمل تان وتستمتع بجمال وسحر البلد وقدامك جبال السعودية
الممشى السياحى في دهب وده هتلاقى فيه احلى كافيهات على البحر واحلى مطاعم واحلى شغل HandMade واحلى صور ممكن تتصورها في حياتك
ثانيا احلي المطاعم الموجودة في دهب
مطعم King Chicken ودا احسن مطعم مشويات في دهب هو مشكلته الوحيده انه قعدته في الشارع بس اكله حلو جدا واسعاره معقولة مش غالية اوى
مطعم Yum Yum دا مينفعش تبقى ف دهب ومتفطرش هناك عنده احلى فول وطعمية وبطاطس وكل الاكلات الشعبيه
مطعم Nemo من احلى المطاعم الموجوده ع البحر في دهب بيعمل مشويات بيتزا سي فود وكل حاجه
مطعم عروس البحر لو عاوز تاكل سمك يبقى اطلع علي هناك
مطعم قشطه وعسل من احسن الاماكن الى ممكن تاكل عندها حلويات
ثالثا أفضل الكافيهات والاماكن اللى ممكن تاخد عندها احلى صور في دهب
كافيه EveryDay والمرجيحه
كافيه Same Same
البيت النوبي
كافيه بيانولا
كافيه الخان
باب الحياه
Why Not
دى تقريبا اهم الاماكن اللى مينفعش تروح دهب وماتروحهاش دهب مش مجرد مكان بنروحه مرة ولا بنعدي عليها من شرم الشيخ وخلاص دى فعلا بيتك التانى اللى لازم تروحه باستمرار
طوت الورقه ووضعتها امامه لتجده ينظر إليها بعدم تصديق فلم تترك شيئا الا وكتبته وتحدثت عنه بالرغم من انها لم تزر المكان من قبل .
التقط الورقه وهو يلقي بنظر عليها منما زاده اعجابا بكل ما خطته بطريقه منمقه فلاحت ابتسامته رغمه عنه ثم رفع احدي

حاحبيه 
كل ده وماروحتيش دهب امال لو روحتي كنتي كتبتي ايه تاني ده مافيش شبر فيها مااتكلمتيش عنه 
تحدثت بثقه اصل أنا لم بحب مكان مابوقفش بحث عنه ولازم اعرف كل صغيره وكبيره فى المكان ده ولازم احبه قبل ما اروحه وأنا متحمسه جدا لسفريه دي وجربنا النوبي فى اسوان نجرب بقى المره دي البدوي ..
تمام يا حياه هنغير البورجرام وليكي مطلق الحريه تحركي الفوج الالماني على ذوقك 
شعرت بالسعاده بعدما وافقها ماجد الرائ فلم تتوقع منه هذا القبول ...
______
الفصل الثامن عشر 
مازالت عيناه متعلقه بشقيقته التى تبتسم له بحب ليبادلها باخرى ثم يغمض عيناه بقوه ليستشعر ذلك الشعور الذي يفتقده فقد كان يتمنى ذلك العناق منذ أن علم بوجود والده على قيد الحياة وهو يشتاق للقاءه والان حظى به .
هاشم بتملك وظل يشدد على ظهره يرفض ابتعاده عن احضانه ليستنشق رائحه طفله الصغير الذي تركه بعمر عام واحد والان ينعش رئته براحته التى لم تتغير فهو مازال طفله قطعه من قلبه غاليه الثمن عادت إليه بعد اعوام من الفراق ..
بعد ان ابتعد عن ابنه بهدوء نظر الى شقيقه بفرحه 
اسر يا زيدان شوف كبر وبقى راجل ما شاء الله 
اقترب زيدان من اسر ليعانقه هو الاخر ويربت على ظهره بحنان 
أهلا بيك وسط عيلتك يا حبيبي انا ابقى عمك زيدان 
اقتربت رؤى هى الأخرى لتصافحه بود وعلى ثغرها ابتسامه رفيقه 
رؤى بنت عمك سعيده جدا ان شوفتك 
صافحها بود أنا أسعد 
نظر لوالده بابتسامه وهو يخبره بانه يريد التحدث عن معه 
ممكن نقعد نتكلم لوحدينا 
هاشم منه بلهفه بحب 
طبعا يا حبيبي 
زيدان كل من ايسل ورؤى ودلف بهم لداخل الفيلا ليترك لشقيقه مجالا لتحدث مع ابنه ...
جلس اسر بجانب والده .
أنا وايسل لسه جاين من عند ماما وسمعنا وجهه نظرها وعايز اتكلم معاك من غير ايسل عشان فى حاجات جوايا محتاج لها تفسير وافضل نبقى لوحدنا 
أنا سامعك يا حبيبي قول كل اللى انت عاوز اقوله وأنا هنا عشان اوضحلك كل حاجه حصلت فى الماضي
مسح على ذقنه وعنقه وهو يتنهد بعمق قبل ان يتحدث بما داخل صدره 
ابتسم هاشم على فعله ابنه فهو حقا يشبهه بكل تصرفاته وهذه الفعله خاصه به ولكن نظر لاسر باهتمام لكي يتحدث 
أنا من الحاجه الحلوه اللى فى شخصيتي ان بسامح مش عارف دي ميزه ولا عيب بس أنا شخص متسامح بس لأول مره أكون