رواية جديدة (سليم ونيرة)

فتح عينيه واعتدل من الفراش بهلع وهو يقول بزعيق 
انتي غبيه ايه الي عملتيه ده !!
ضحكت وهي تبتعد عن الفراش وترتشف الماء هاتفه 
اعملك ايه يعني بقالي ساعه بصحي فيك وانت ولا هنا ملقتش قدامي غير اني ارش عليك الميه
_ اطلعي براه يا بت 
قالها بانفعال لتقول هي 
خلاص بقي متبقاش قفوش كده مره جايه هصحيك بطريقه لطيفه حلو كده خلينا في مهم بقي

جلست علي الفراش واكملت هاتفه 
تعال اقعد كده علشان عايزاك في موضوع مهم جدا والله
جلس وهو يزفر بضيق هاتفآ 
نعم خير اتفضلي صدعيني وكلي دماغي
_ اخلي اخوك يحبني ازاي !
_ مش هيحبك يا بيبي متحاوليش هو مش شايفك قدامه اساسا
_ متقولش كده في وشي ساعدني خليك جدع وساعدني يا فادي
_ يا امه اساعدك ازاي محدش يقدر يتحكم في قلب حد وسليم قلبه مش معاكي نهااائي
ضغطت علي شفتيها بضيق وهي تقول 
في حد تاني طيب بيحب حد صح!
حرك كتفيه قائلا 
معرفش ممكن وممكن الله اعلم
نهضت من الفراش وهي تقول 
دي تبقي مصېبه سوده لو حد في حياته شويه ويتجوزها ويجيبها عندنا البيت هنا وانا اشوفهم بعيني وافضل اكل في نفسي يالهوي يا فادي لو حصل كده انا ممكن اروح فيها
اهو نرتاح منك
القت عليه الوساده هاتفه 
ابقي شوف لما ترتاح مني مين هيداري عليك وانت راجع سکړان طينه
_ روحك يا حبيبتي هتداري عليا ويلا كده شوفي وراكي ايه علشان عايز انام
صړخت بيه 
نام نام نوم الظالم عباده اتخمد
قالت جملتها تلك وغادر ليرتمي هو بجسده علي الفراش قائلا 
طول ما انتي مدلوقه عليه كده يا نيره عمره ما هيعبرك 
_ خير بتشيك كده ورايح علي فين !
قالتها نيره عندما دلفت الي الغرفه ووجدت سليم يقف امام المرآه
الټفت اليها وهو يقول 
هو انتي مراتي وانا مش عارف! هو ايه الي خير بتشيك ورايح فين وبعدين كام مره اقولك انا شاب ميتفعش تتنيلي تدخلي اوضتي كده
_ يا سلام ما انا بدخل اوضه فادي ومبيقوليش حاجه اشمعني انت يعني!
_ ما هو ده كمان غلط تصرفاتك كلها غلط مينفعش كده انتي كبرتي يا نيره مبقتيش العيله الصغيره بتاعه زمان بقيتي مدموزيل ومينفعش الي بتعمليه ده قعدتك مع فادي طول الوقت في الاوضه غلط
اقتربت منه ثم بعتث علي السراحه وتناولت زجاجه عطر وهي تقول 
اممممم انت بتغير عليا من اخوك ولا ايه
حرك راسه بملل وهو يتناول زجاجه العطر منها هاتفآ 
يا بنتي سيبك بقي من شغل مراهقين ده اكبري ده لسه بقول عليكي بقيتي مدموزيل
_ شغل مراهقين علشان بحبك!! انت ليه مش عايز تحس بيا
تنهد بنفاذ صبر ثم هتف 
هعيدلك الكلام للمره المليون يمكن تفهميه وتسوعبيه مره دي انتي بنتي يا نيره اللي انا ربيتها من وهي عندها خمس سنين من يوم ما جيتي عندنا البيت بعد وفاه مامتك وعمي مقدرش ياخدك تعيش عنده علشان مراته وانا مش شايفك غير بنتي الي مسؤل عنها وعمري ما هشوفك غير كده طلعي بقي الحب وكلام ده من دماغك شوفيني اخوكي الكبير وبس يا نيره فهمتي مره دي ولا لا
اجابته بضيق 
لا مفهمتش انا مليش اخوات غير ريم وامجد بس انت مش اخويا
_ انا بتناقش معاكي في ايه اصلا ! اوعي ورايا شغل ومش فاضيلك
اطلقت ضحكه وهي تقول 
شغل ايه يا ابو شغل بقي الشياكه دي كلها علشان شغل ولا رايح تقابل واحده
اوما راسه بالايجاب 
ايووه فعلا رايح اقابل واحده اقولك التقيله بقي علشان اريحك انا احتمال اخطب قريب سلام بقي 
قالها وهو يزيحها منبقي 
قالها وهو يزيحها من امامه وخرج من الغرفه شعرت ان الارض تهتز بها سوف يخطب!!!
بعد مرور عدده ايام ..
منذ اخر مره تحدثت بها مع سليم وهي لم تخرج من غرفتها لا تتخيل انه سوف يخطب ..
كيف تراه برفقه فتاه اخري غيرها !!!!
لم تتحمل بالفعل لم تتحمل وسوف يحدث لها شئ ما
_ بقالك يومين حابسه نفسك في الاوضه واخرتها يعني هو قال هيخطب لسه مخطبش لما يخطب يا بيبي ابقي اعمل كده 
قالها فادي وهو يجلس بجانبها علي الفراش لتقول هي 
ازاي يخطب غيري ! انا بنيت كل حاجه احلامي كلها بنيتها عليه هو في الاخر يروح لواحده تانيه 
حرك فادي راسه باسف مزيف وهو يقول 
هو كده الحب من طرف واحد نهايته زفت علي دماغك زي ما قولتلك
دفنت وجهها في الوساده وصاحت باكيه ليقول فادي 
بس يا نيره بس اهدي مينفعش كده 
قالها وهو يرتب عليها برفق لم تتوقف هي عن البكاء ليقول هو 
اقولك حاجه طيب انا رايح عيدميلاد صحبي ايه رايك تيجي معايا
حركت راسها بالنفي قائله 
مش عايزه اروح مكان
_ مفيش حاجه اسمها مش عايزه قومي يلا اجهزي كده والبسي احلي حاجه عندك وانا هخلي سليم ېموت من الغيظ اسمعي مني يلا وقومي
_ ولما ېموت من الغيظ هيحبني يعني
تنهد وهو يقول 
ربنا يسهل يلا قومي البسي واجهزي
غادر فادي اما هي نهضت من مكانها وبدات في اختيار ملابسها والاستعداد للحفله ..
_ نيره مين الي تاخدها عيدميلاد