قصه السلسله

قولتلها السبب الي الراجل قالهولي ردت بنفس الرد بتاعي أنه كلام هبل ومش منطقي..
بصي ياماما منطقي مش منطقي انا خلاص جبتها ومتاكده انها دهب ومش هقلعها من رقبتي ابدا..
براحتك يابنتي ربنا يفرحك .. يلا قومي عشان نتعشي
حاضر ياماما .
دخلت غيرت هدومي وبصيت ف المراية واتا لابسة السلسلة ولاقيتها بتلمع لمعه غريبه بتلمع كأنها متسلك عليها ضوء الشمس فضلت بصالها شوية وبعدين فوقت علي صوت ماما بتنادي عليا..خرجت اتعشينا وقعدنا شويه وبعدين دخلنا عشان ننام ..وكانت أول ليله انام فيها وانا معايا السلسله بس مكانتش لوحدها .. مكنتش متخيله الي ممكن يحصل بعد الليله دي .. مكنتش متخيله اني هبقي كده هبقي آنديراميس
طفيت النور ونمت عالسرير ومسكت موبايلي شوية عشان اتصفح المواقع كعادتنا كلنا وف ضوء التليفون الهادي كنت شايفه لمعة السلسله بس كنت شايفه حاجه تانيه برضو..السرير بتاعي ف وشه مراية طويله الي بشوف فيها لبسي وكده معرفش ليه بصيت بصه سريعة عالمرايه وف الضوء الخاڤت ده شوفت ان في حد واقف جنبي!!اټخضيت وقومت بسرعه ولعت الاباجوره وبصيت كويس ملقتش حاجه..قعدت مخضوضه شويه وبعدين اقنعت نفسي ان ده مجرد وهم من للضلمه دي اوضتي الي عايشه فيها طول عمري اكيد مبقاش فيها عفاريت فاجأه..وتجاهلت الموضوع وطفيت الاباجوره ونمت عشان استعد لشغلي الصبح.. لكن وانا نايمه حلمت حلم غريب اوي حلمت
اني موجوده في مكان شبه اماكن الف ليله وليله القصور الضخمه الي جدرانها مكتوب عليها بمية الدهب..الخدم والحشم حيوانات اشكالها غريبه فواكه غريبه ناس غريبه وف وسط منا تايهه ف كل ده لاقيت حد من ايدي وبيقولي تعالي يا آنديراميس جلالة الملك عايز يشوفك! جلالة الملك! آنديراميس انت بتقول ايه ..وقتها حسيت اني فعلا وكأن جسمي طاير طاير لحد ماوصلنا لاوضه ضخمه وفخمه مشوفتش زيها ف حياتي من كتر ماهي غريبه مش قادره اوصفها كفايه بابها الي عامل زي مايكون باب واصل من الأرض للسما..اتفتح الباب ودخلت لاقيت الاوضه بحجم القصر تقريبا وقدام كان في زي عرش عظيم وقاعد عليه واحد غريب 
. جسمه ضخم وعنده قرنين وعينه جاحظه وليه دقن كبيره ولابس ف كل صوابعه خواتم ضخمه زيه أما التاج فحدث ولا حرج جواهر الزمرد زغللت عيني مبقتش عارفه ابص علي ايه ولا ايه فوقت من سرحاني وهو بيقولي بصوت أجش اهلا بيكي أيها الحارسة الجديده..وقبل مانطق فوقت علي صوت المنبه صحيت لاقيت نفسي ف اوضتي ..قومت وقعدت افكر شويه ف الحلم ايه الحلم الغريب ده لو كنت اتفرجت علي حاجه فانتازيا كنت قولت اضغاث احلام.. انما ايه ده الحلم حقيقي اووووي حقيقي لدرجة اني حاسه اني لسه هناك .. فوقت من سرحاني علي ماما بتفتح الباب.
صباح الخير ياهبه ياحبيبتي.
ص