جراح لاتنسي
طيب اقعد افطر معانا ولا فطرت
زهران_ فطرت بس هفطر تانى معاكوا الاكل شكله يفتح النفس
احمد الجد _ أمال امك فين مجتش معاك ليه
زهران_ ماما شكلها حبت القاعده ومش بتفكر تيجى
دى حتى نزلت مع هاله تجيب اللى محتاجاه
احمد بتنهيده وضحكه جانبيه _ كنت حاسس بكده يلا سبها تعمل اللى هيا عايزاه وتعيشلها يومين
منتهى _ ماترد على اللى عمال يتصل
زهران_ مش عايز
منتهى بفضول_ طيب مين اللي عمال يرن كده
زهران_ ده مؤمن
منتهى _ طيب رد يمكن عايزم في حاجه مهمه
زهران_ لأ مش هرد لو فى حاجه مهمه يبعتلى رساله
منتهى _ طيب هات ارد انا
زهران بعصبيه _ وتردى انتى عليه بتاع ايه اصلا ايه صدقتوا نفسكوا وبقيتوا صحاب خلاص منتهى انا صابر وراضى بكل شروطك انما انك تتجاوزى وتقولى اكلمه انا مره تانيه مش هعديها انا مش ناسى اللى قاله وانه طلبك منى وانو خبى عليا انه عرف انا مين
زهران بعصبيه وغيره _ ماتجبيش سيره راحل تانى ولا تبررى ليه هو ليه لسان يبقى يبرر لنفسه بيه سمعانى
منتهى ضحكت من جواها وكانت فرحانه بغيرته عليها لان ده بياكدلها انه لسه بيحبها هىى وبيغير عليها
منتهى _ حاضر اللى انت شايفه
زهران_ ولما تنزلى بكره الشغل مش عايز اى تعامل معاه نهائى لا من بعيد ولا من قريب
خلصوا فطار ودخلوا يلبسوا ويستعدوا وزهران اخد اللبس وساعد ابنه انه يلبس هدومه ويستعد وساب منتهى تخلص براحتها
وكانت حبيبه عماله تلعب حواليهم ومنته عملتلها ساندوتش تاكله براحتها
جهزوا كلهم واخدهم زهران وراحوا الملاهى وفضلوا يلعبوا كلهم بالالعاب حتى باباه وكانوا مبسوطين اوى
منتهى _ زهران يا حبيبي هات حبيبه طيب انا اكلها عشان تعرف تاكل
زهران_ لا أنا مبسوط كده
منتهى
_ طيب سيب احمد هو بيعرف ياكل لواحده
زهران_ برضو لأ
خلصوا اليوم واخدوا عشا وراحوا عند بيت والده منتهى يتعشوا معاها
مرفت _ خلاص بقى ما اللى لاقى احبابه نسى اصحابه
منتهى _ انا اقدر برضه يا ست الكل
مرفت _ مانتى بقالك يومين اهو لحس ولا خبر
مرفت _ أهم حاجة عندى انك تكونى مبسوطه واى حاجه تانيه مش مهم
منتهى _ بقولك يا ماما انا هنزل الشغل من بكره بإذن الله ينفع اسبلك الصبح احمد واخده اخر اليوم
احمد الكبير _ طيب ماتسيبيه معايا يابنتى بدل ما تتعبى والدتك
مرفت _ لا طبعا لا تعب ولا حاجه ده احمد ده هو اللى بيسلينى وبيخبى اليوم يجرى
ماشى سبيه وروحى الشغل
منتهى_ هو كده كده هينزل المدرسه نص الاسبوع تكون الإجازه بتاعته خلصت
مرفت _ أمال حماتك
فين لاخس ولا خبر يعنى
منتهى _ اصلها قاعده فى الفيلا مع مرات زهران التانيه
مرفت _ طول عمرها اصيله امك دى يا زهران
منتهى حست انه امهاا هتبدا تلقح بالكلام فلحقت غيرت الموضوع زمرفت فهمت
مرفت _ خلاص ياختى هسكت بس ليا قاعده معاكى وقربت من ودنها
سايبه العز ده كله ولازقه هنا فى الحاره يا بنت الموكوسه
منتهى _ مش وقته الكلام ده يا ماما نتكلم بكره هعدى عليكى بعد الشغل وعلت صوتها
يلا بقى نتعشى قبل الاكل مايبرد
احمد قعد ياكل معاهم ومرضيش يعلق على كلام مرفت لأن عندها حق بس زهران حس ان فى توتر في علاقه امه مع ام مرفت وقرر يعرف السبب بعدين
خلصوا عشا وكل واحد وصل بيته ونامت منتهى بجوار زهران من التعب والأطفال ناموا مع بعض في غرفه الاطفال
صحيوا الصبح لبست منتهى وزهران لبس الاولاد ولبس هو كمان واخد منتهى ووصل احمد لحماته وبعدين كلم الداده وعدى على الفيلا وسابلها حبيبه وطلعوا بعد كده على الشركه
نزل زهران ومسك ايد منتهى
منتهى _ سيب ايدى محدش يعرف اننا متجوزين
زهران_ لا طبعا ماينفعش الكلام ده لازم الشركه كلها تعرف انك مراتى وإن اسمى الحقيقي زهران
منتهى _ طيب وعرفات
زهران_ اسم الشهره وواحده واحده بعد ماخلص الورق ونقل كل حاجه باسم زهران هتعامل باسم زهران على طول
منتهى _ طيب وحبيبه
زهران_ هتبقى باسم زهران وكده هضطر انى اكتب كتابى مره تانيه على هاله
بقولك يا منتهى احنا هنطلع دلوقتي الشركه مش عايز تعامل مع اى جن
س اسمه دكر سمعانى خلينى هادى ومحترم
منتهى _ حاضر حاضر
طلعوا المكتب وبدأت منتهى تشوف شغلها
وصل مؤمن ودخل مكتب منتهى
مؤمن_ بكلمك وبكلم عرفات من امبارح مش بيرد ليه
منتهى _ مردتش عليه بس شاورتله على المكتب
مؤمن _ خو منعك تكلمينى
منتهى هزت راسها باه
مؤمن_ طيب انا داخله
دخل مؤمن المكتب على عرفات
اول ما زهران شافه ابتسم ابتسامه كبيره وقام راح عليه لسه مؤمن هيتكلم لقى زهران بيديله بالبوكس في وشه
مؤمن بعد عنه _ ايه الجنان ده في ايه
زهران بقى يلف وراه جوه المكتب
مؤمن _ انت اټجننت فى ايه اهدى
زهران_ بقى انت شايفنى هتجنن واعرف اهلى وتبقى انت عارفهم وشوفتهم ومتقوليش
مؤمن_ كنت خاېف عليك والدكتور قالنا نتعامل بحزر معاك عشان كده
زهران_ ومراتى اللى عايز تخطبها
مؤمن_ بنحررك يا عم اخدى بقى خلاص خلينا نتكلم فى المهم
زهران_ بص يا مؤمن منتهى خط احمر حتى الصباح ماتقولوش ليها سامعمى لانت ولا اى حد خلاص
مؤمن_ حاضر حاضر
اسمعنى بقى
فاكر راحل الاعمال اللى ابنه خبطك وبسبب الفلوس اللى اخدناها منه عملنا اول شركه لينا
زهران_ أه طبعا
مؤمن_ لقيته كلمنى وعايزنا في شغل
عرفات_ طيب تمام شوف هنتواصل ازاى
مؤمن_ هو جاى بنفسه الاسبوع الجاى ده عشان نتكلم فى الصفقه بس فى حاجة غريبه
عرفات_ ايه الغريب يعنى
مؤمن_ سالنى عليك وقالى زهران عامل ايه
عرفات_ ازاى وهو عرف اسم زهران ازاى هو مش عارف ان انا فاقد للزاكره
مؤمن_ مهو ده اللى خلانى مستغرب ومحبتش اكلمهوغير لما يجي عشان نعرف عرف منين ولو كان عارفك من الاول مقالش ليه على هويتك على طول
عرفات_ فعلا غريبه اوى عموما هستنى للاسبوع الجاى ونعرف
ياخبر بفلوس بكره هيبقى ببلاش
كلنا خلاص هانت وهنعرف كل حاجه وازاى قدرت هاله تخفى هويه زهران وعلاقه ام هاله بالموضوع من اوله
ورد فعل زهران لما الحقيقة تظهر قدامه
رواية جراح لاتنسى البارت الثالث عشر بقلم أماني سيد حصريه وجديده
زهران بقولك ايه عايز الشركه كلها تعرف ان منتهى مراتى وان اسمى الحقيقي زهران وان اسم عرفات ده اسم الشهره
مؤمن اعتبره حصل وهتعمل ايه مع هاله
زهران هكتب عليها من اول وجديد بس الاول محتاج محامر يخلصلنا الإجراءات دى كلها
مؤمن خلاص نشوف محامى شاطر كده ويقولنا نعمل ايه بالتفصيل بس انت خلاص نويت ترجع لزهران مش هتكمل كعرفات
زهران لأ انا عايز ارجع لاصلى اللى مالوش اصل مالوش حاضر
مؤمن تمام يا كبير هدور على محامى واخد معاد معاه
خرج مؤمن من عند زهران بعد مانتهى من الشغل معاه وشويه ودخلت عليه منتهى ومعاها الدوا
منتهى اتفضل يلا افتح بقك
زهران بنسى انا دايما
منتهى وانا دايما موجوده عشان افكرك
زهران بس انا بقيت بفتكر حاجات بسيطه يعنى مثلا امبارح وانا سرحان فى لون الحيطه افتكرت انه كان اختيارك والموقف كله عدى قدامى
منتهى طيب حسيت بتعب او حاجه
زهران لأ خالص انا كنت كويس كنت بحاول افتكر حاجات تانيه بس معرفتش
منتهى التزم بس انت بالعلاج وكل حاجه هتبقى كويسه
وكلم الدكتور وشوف هيقولك ايه
عندك حق هبقى اتصل بيه واشوف هيقولى ايه
منتهى هتتغدى فين انهارده
زهران انهارده مش يومك
منتهى طيب وسابته ومشيت راح شاددها من ايديها
زهران منتهى انا بحاول ماظلمش عشان لو سبت نفسى مش هعمل حاجه غير انى ابقى معاكى وبس
منتهى انت بقالك ٤ سنين عايش معاها ولما رجعت ادتنى يوم بس المفروض تعوضني عن ال الاربع سنين دول
زهران انا عن نفسي عايز اعوضك
واعوضك جامد كمان بس انتى اللى رافضه
منتهى انا ماشيه كل ماطرح ماتخب انا غلطانه وجت تخرج تانى راح شاددها
زهران خلاص نتغدى سوا فى شقتنا كلنا مع بعض ها ايه رايك مبسوطه كده
منتهى يعنى
زهران طيب اعمل ايه تانى
منتهى خليك معانا الاسبوع ده
زهران طيب وحبيه واقول لهاله ايه
منتهى هات حبيبه معاك وبالنسبة لهاله كفايه عليها امك هتسليها اوى انا عارفه
زهران مش عارف ليه معذتكم الزايده لبعض دى
منتهى صدقن انا كنت بعتبرها زى امى بس
زهران بس ايه انا عايز أعرف كل حاجه
منتهى مامتك من زمان مكنتش موافقه عليا
زهران ليه
منتهى عشان انت بتحبنى وهى شايفه انى اخدتك منها عموما انا عزراها ومبزعلش منها انت ابنها الوحيد ومن حقها تغير عليك
زهران ولما انا كنت غايب كانت بتعاملك ازاى
منتهى كانت بتعاملنى عادى مكنتش بتعاملنى وحش ولا حلو
زهران طيب وبابا
منتهى باباك ده حتت سكر من زمان وهو بيحبنى وفعلا عوضننى عن غياب بابا الله يرحمه وكان متأكد برضو انك عايش زى ما أنا كنت متأكدة
زهران افرضى مكنتش رجعت ولا كنتى عرفتى مكانى او فعلا متت بحق وحقيقى
منتهى بعد الشړ عنك انا لو مكنتش ليك عمرى ما هبقى لغيرك يا زهران انت اللى مربينى
على ايدك وكنت بتعلمنى اخد حقى ازاى من اى حد يضايقنى
اول كلمه حلوه سمعتها منك وقولتهت ليك اول طفل عيشتنى فرحه عمرى مانساها ابدا
اول جوازنا كنت مخلينى ملكه مابتمشيش على رجلها عايزنى انسى يبقى بطتلب منى انسى عمرى اللى عشته
حض نها زهران وهو متأثر بكلامها
زهران انا نفسي نرجع نعيش الايام دي تانى
منتهى يبقى تعالى نهرب الاسبوع ده ونعمل شهر عسل
زهران هى امى كانت شايفه انى بسمع كلامك مكنتش متأكده صح
لا قوللها تتاكد وخليها تكرهك بزيادة
منتهى هىى كده كده كرهانى
زهران خلاص هخلص انهارده مشوار المحامى اللى هيجبهولى مؤمن ونشوف تحبى نسافر فين
منتهى اسكندريه
زهران فى الساقعه دى
منتهى مش عايز تعيش اللذى مضى يبقى تمشى ورايا
زهران خلاص انهارده هروح الفيلا اجيب لبس زياده واعرفهم انى مسافر واطمن على ماما وحبيبه وبعدين اجى ابات معاكى ونسافر بكره
اثناء حديثهم دخل خبط مؤمن الباب ودخل مره تانيه وتجاهل خالص منتهى خاېف ومنتهى واقفه مساكنه نفسها من الضحك
مؤمن لقيت محامى واخدت معاه معاد على بليل
زهران طيب حلو اوى عشان انا بكره مسافر يومين تلاته كده اغير جو
مؤمن اهم حاجه اوعى تنسى الاسبوع الجاى
زهران لأ طبعا انسى ايه انا هاين عليا اسافرله دلوقتي
