وعاد من جديد
المحتويات
كلها دموع
خلاص ك كفايه ضړب ده جوزي
جوزك !!!
قالها پصدمه وانا واقفه بعيط وبفرك ايدي بتوتر واحراج
ا ايوه
الكل وقف يبصلي پصدمه وهما فاتحين بوقهم علي آخره و واحد منهم قرب مني وهو بيسألني بذهول
وهو في واحده تعمل كده في جوزها !
انتي مجنونه ياست انتي ولا ايه
المدرب بعصبيه
الراجل كان هيروح فيها انتي متخيله حجم الكارثه انتي تعبانه في دماغك صح!
قال كلامه وانا واقفه حاطه وشي في الأرض زي الكتكوت المبلول ودموعي نازله علي خدي
قرب منه كام واحد وساعدوه يقف علي رجله
احنا بنعتذرلك جدا علي اللي حصل بس
يونس وهو بيشاورلهم بتعب
متعتذرش ياكابتن
وبصلي بعتاب ونظره عمري ما هنساها كانت كلها حزن وخذلان
العيب مش عليكم العيب علي مراتي
كان واقف مش قادر يصلب طوله كان شكله يصعب علي الكافر
قربت منه وانا يسأله بنبره كلها دموع
ا انت كويس
ضحك بسخريه وهو بيشاورلي
علي نفسه
جدا حتي شايفه منظري انا كويس اوي
حطيت وشي بين ايديا وانا بعيط بحرقه
ا انا اسفه ا انا مكنتش اعرف ان الموضوع هيوصل لكده و...
مكنتش تعرفي ايه
ازاي مكنتيش تعرفي معندكيش عقل مخك اتشال واتحط مكانه جزمه قديمه !
يعني لما واحده تروح تقول لناس متعرفهاش أنقذوني في واحد بيعاكسني وانا عشان بنت مش قادره اتصدرله بيسوق فيها فكرك ايه اللي ممكن يحصل هيسموا عليا
هيجوا يقولولي بكل هدوء ابعد عنها ياكابتن وخلاص خلص الموضوع !
كل ده ليه عشان ايه
رديت بعصبيه
اومال ايه لما ادخل شقتي
زعق فيا مره تانيه وعروق رقبته بارزه
لا بس تسمعيني تسمعي الحقيقه كامله مش تاخدي بعضك وتمشي وترفضي تسمعي اي حاجه ترفضي تقابليني وتصري علي الطلاق
ربعت ايدي وانا بهز رجلي بعصبيه
اي واحده مش بتثق في جوزها اي واحده عارفه أن جوزها بتاع بنات اي واحده جوزها مش بيحبها انما انتي عارفه اني عمري ما اعمل كده عارفه اني بحبك عارفه انا تعبت قد ايه عشان نكون سوا ولسه بتعب وبعافر عشان أرجعك ليا بالرغم من انك رفضتي تسمعيني!
دموعي نزلت علي خدي وانا بصړخ في وشه
اتكلم يايونس دافع عن نفسك قول كل اللي تقوله بس متلومش عليا ارجوك متلومش عليا
هششش كفايه عياط
واتنهد بحزن
انا هحكيلك اللي حصل
والقرار قرارك ياايمان وصدقيني المره دي اي قرار هتقوليه هحترمه وهنفذه
وبلع ريقه وهو بيقول بعتاب
بس عايز افكرك أن اللي بيتكسر مش ممكن يتصلع ابدا
اليوم ده رجعت بدري من الشغل
وبصلي بحزن
رجعت عشان احضر البيت لعيد ميلادك قبل ما ترجعي من شغلك
كنت جايب تورته وجاتوه وكنت متفق مع كل صحابك يجوا قبل ما توصلي عشان لما توصلي تتفاجئ
كنت قاعد يحضر حاجات لحد ما يوصلوا ويساعدوني لقيت الباب بيخبط روحت فتحت لقيت ولاء استغربت وجودها مع أن كان لسه بدري جدا
اتحرجت وقولتلها ان مفيش حد لسه جه بس هي مهتمتش زقت الباب ودخلت وحطتني قدام الامر الواقع
مكنتش عارف اعمل ايه اكرشها ولا اخليها مقدرتش اكرشها أصلها جايه حفله
متابعة القراءة
