في قلبي لؤلؤة همس كاتبة

و انت اخوها
الي ليك حق تدخل اكتر مني و بعدين دي كانت خطيبتي قدام الناس يعني لو انا تدخلت هيتكلمو عليها اشكال و الون 
نعيم فيك الخير يا واد عمي طول عمرك اصيل و انا مش هسكت عن حق اختي و هجبهوللها من بوق التخين 
صهيب جدع يا نعيم .. انت بقيت احسن من زمان بكتير يا ريت تفضل كدة .. افرض نفسك و اعملك شخصية 
دلف فخر الدين و رشاد 
فخر الدين في ايه يا صهيب 
صهيب ما فيش يابا بس ضحى بت عمي ڠضبانة 
رشاد وه ليه حصل ايه 
نعيم بهدوء بعد اذنك يابا تسيبلي الموضوع ده و انا هتصرف 
فخر الدين نظر الى نعيم باستغراب 
رشاد بسخرية وه من امتا بقيت راجل ياض قول لاختك تجهز نفهسها و ترجع لجوزها معندناش بنات تغضب 
فخر الدين بحدة رشاد انت جوزت البت ڠصب عنها و زي ما دي بتك دي اخته و الواد مش هيسكت عن حق اخته فسيبله الحكاية دي هو يحلها 
رشاد ماشي يخوي و لازعل نفسك
عند عاصم
كان يتمشى مع لين 
عاصم مش مصدق ضايل شهر على فرحنا 
لين بسعادة انا فرحانة اويي نفسي اعمل فرح كبير و نتجوز بقا و نخلف عيال كتاكيت 
عاصم انتي احلا كتكوتة شافتها عنيا 
لين بضحك بس يا عاصم 
و هربت من امامه و هو حاول امساكها حتى نحح 
و لف بها كانت السعادة حليفته و كانه وجد نفسه 
بدا يدغدغ بها و هي تضحك بصوت عالي و هو يضحك على ضحكاتها و استمرت بالفرار منه حتى تعبت من الركض 
و جلست على العشب و و هو جلس بجانبها و قطف زهرة و وضعها في طرف حجابها 
عاصم بعشق تعرفي انك احلويتي مليون مرة بعد ما تحجبتي 
لين بغرور احم احم
مر اسبوعين 
و اتى علاء لرد ضحى بعد ان ضغط عليه جده و وافق نعيم و رشاد
بعد ان اشترط نعيم على علاء بعض الشروط خصوصا بعد علمهم بحملها
دلفت غرفتها معه 
علاء بهدوء وضبي الاوضة و ارتاحي عشان العيل الي ببطنك 
ضحى بهدوء حاضر 
نظر لها مطولا و خرج الى البلكونةيدخن بشراهة 
بينما هي تنظر لاثره بهدوء 
ضحى انا خلاص لازم انسى حياتي القديمة كلها و ابدا من جديد 
وضعت يدها على بطنها بهدوء و ابتسمت
حنان بدموع بقولك يا حج 
فخر الدين مالك يحنان في ايه
حنان بدموع قلبي بيتقطع على ياسين عايزة اشوفه يا حج ..رجعه و الله قلبي واكلني عليه 
فخر الدين بهدوء بس هو لسا مخلصش انا قاعد بعلم فيه عايزه يطلع راجل زي اخواته و يعرف الشغل و يتعلم ازاي يدافع عن نفسه و بيته .. بكرا بس يكبر هيبقا زي صهيب و بكر و وقتها هتبصي ليه تفتخري بابنك مش احسن ما بكون زي النسوان 
حنان بدموع سايق عليك النبي يا حج تبقى تجبهولي كل فترة بس عايزة اشوفه و اشبع منه 
مرت الايام
لا يخلو بيت من المشاكل لكن كل شخص يحاول بذل كل جهده لكي يعيش الحياة التي يريدها بطريقته الخاصة و يحاول تقديم المحبة لمن حوله .فصهيب يعشق لؤلؤته و يعيش معها احمل ايام حياته و هي تعشقه پجنون و كلاهما ينتظر ثمرة هذا العشق بنفاذ صبر .. اما بكر و سماح فحياتهم هادئة تماما و يعشقان بعضهم و ينتظران طفل لم يكن قدومه هينا .. نعيم و ياسمين تقربوا من بعضهم بشكل كبير و اصبح نعيم يعشقها و هي تبادله المحبة و العشق و لديهم الصغيرة بيان تملىء عليهم حياتهم .. عاصم و لين تزوجا بعد كل هذا الصبر فكل الكلام لا يصف عشقه و خوفه عليها يعتبرها طفلته المدللة و هي تعتبره والدها و حبيبها و عشيقها .. سالم و قمر لا زالوا على حالهم و علاقتهم لطيفة و مرحة .اما عن ضحى فاصبحت تحاول ان تتقرب من علاء و فهمت طبيعة تفكيره و ما ينقصه فقد قبلته كما هو و اعتادت على و نسيت ماضيها تماما و هو يحاول ان يتغير و يصلح من نفسه و لا يستطيع تكذيب مشاعره فهو احبها و
وجد الحنان و الاهتمام منها . اما عن الباقي فحياتهم طبيعية جدا
في يوم عيد الاضحى المبارك
كانت تقف و تقفل له ازرار الجلابية بكل عشق و هو ينظر لها بابتسامة توحي بعشقه لها 
وضع يده على بطنها المنتفخة قليلا 
صهيب و بعدين بقا مش هيستوي العيل ده 
لؤلؤة بضحك لسا يحبيبي انا بالخامس 
صهيب هففف طب هنزل بقا عشان صلاة العيد و بعدها هند بح الاضحية
لؤلؤة طب استنا ابخرك
و امسك المبخرة و اشعلتها و قربتها منه و بخرته
بعد وقت
اجتمعت نساء البيت و كل منهم ترتدي ملابس انيقة و جديدة و تضع زينتها و ذهبها و تتباهى به 
عاد الرحال من صلاة العيد و سلمت حنان اولا على فخر الدين و بعدها سلم الجميع على بعضهم البعض و استقبلت كل واحدة من النساء العيدية 
و بدأ الشباب بتجهيز الاضاحي و بدأت عملية و توزيعها
مر الوقت و صعد صهيب لغرفته 
لؤلؤة بابتسامة كل سنة و انت طيب يحبيبي 
صهيب بعشق و انتي طيبة يروح قلبي 
و اتجه الى خزانته و اخرج عقدا من الالماس 
لؤلؤة بانبهار ايه ده !! 
صهيب بحب دي العدية يا حبيبتي 
لؤلؤة بسعادة الله حلو اوييي يا روحيي 
اخرج العقد من العلبة و البسها اياه 
لؤلؤة بابتسامة تحفة ميرسي اوي يحبيبي 
صهيب بعشق بحبك 
لؤلؤة بسعادة و انا بعشقك
تمت
في قلبي لؤلؤة 
همس كاتبة