رواية جديدة... نادرة

الفترة اللي فاتت و هي كانت عند والدها فالبيت فاضي.
فكر أنه يصحيها و يخرجوا تسحروا برا لكن اتضايق من الفكرة دخل غير هدومه و نزل اشتري سحور و رجع.
حسن بلين
نادرة.... نادرة قومي ياله خلينا نتسحر
نادرة بنوم 
مش عايزه اتسحر أنت أنا مش بجوع و بعدين مش أنت متضايق مني ليه بقا تصحيني هيفرق معاك لو جوعت
حسن بجدية و ود
اكيد هيفرق معايا و بعدين بلاش عناد في الصيام ياله قومي انا جبت سحور برا خلينا نتسحر و ابقى نامي.
نادرة فتحت عنيها و ابتسمت بحب حسن تجاهلها و خرج من الأوضة 
نادرة بغيظ
اعمل فيك ايه يا حسن فاضل كم يوم على العيد هتفضل تتعامل معايا كدا يعني و لا ايه

قامت بضيق و خرجت من الأوضة قعدت تتسحر
و هي حاسة بمغص و مش عايزاه تاكل لكن مش حابة انه يعرف أي حاجة عن موضوع الحمل دلوقتي
بعد مدة
حسن خرج يصلي الفجر و نادرة كانت في الحمام و هي مش قادرة كل اللي اكلته بترجعه و حاسه بۏجع
دموعها نزلت و هي مش قادرة تتحمل الۏجع اللي حساه 
رجعت اوضتهم و حاولت تنام لحد ما ارتخت و حست براحة
تاني يوم بعد صلاة التراويح
كانت قاعدة في الصالون و هي بتتكلم مع نغم و حكت لها عن موضوع الحمل اللي مخبيه
نغم باستغراب 
غريبة يا نادرة.... دا انتي المفروض تقوليله عم موضوع الحمل دا بالذات دلوقتي 
صدقيني لو عرف هيفرح و هينسي كل الزعل اللي ما بينكم دا.
نادرة بضيق 
لا مش هقوله دلوقتي... انا عارفة انه هيفرح بس لو سامح و نسي هيبقى بيعمل كدا علشان الحمل لكن انا مش عايزاه كدا يا نغم
انا عايزاه يسامحني علشان أنا 
علشان انا عارفة أنه بيحبني و أنه مش هيقدر يطول في الزعل عنيه بتقول أنه لسه ملهوف 
لسه زي اول مرة مليانة دف
و انا بقا طماعة عايزاه علشاني أنا يا نغم.
نغم 
ماشي يا اذكي اخواتك بس قوليلي أنتي عاملة ايه. حاجة بتتعبك
نادرة بلامبالة
لا.. الحمد لله بخير بس عارفة مش بقبل ريحة الاكل و دا طبيعي مش عايزة آفور يعني حاجة بسيطة
نغم طب بتاخدي الأدوية اللي دكتورة قلتلك عليها.
نادرة اه بس محدش يعرف يا نغم اصلا لو مرجانة عرفت احتمال تخنقني و تزعل اني قلتلك و مقولتلهاش و أنا قاصدة اني مقولهاش لأنها اكيد هتقول لجليلة و جليلة من فرحتها مش هتقدر تسكت و هتقول لبابا و هتبقى ليلة مالهاش آخر.
نغم 
ماشي طب بقولك ايه ناوية على ايه مع حسن
نادرة 
و الله مش عارفة هو عنيد اوي و مش بيتاثر بسهولة انتي ايه رأيك
نغم 
حاولي مرة و اتنين و عشرة كمان هو يستاهل يا نادرة أنك تفضلي وراه لحد ما يفهم أنك محبتيش فريد مع ان غريب ان حسن يعرف حاجة زي دي و ميعملش حاجة لفريد
نادرة پخوف و تهرب 
سيبك من الموضوع دا أنا عارفة أنا هعمل ايه...
أنا زهقان اوي و حسن مشغول مع عامر صاحبه واضح إنهم بيفكروا في حاجة مهمة و طول الوقت بيتكلموا 
تيجي ننزل نقعد في أي مكان
نغم
ياريت بجد كان ينفع
بس و الله مش فاضية هنزل اروح لحماتي انتى عارفة الظروف
نادرة
خالص مش مشكلة أنا هنزل شوية اعمل اي حاجة
نغم 
ماشي بس خالي بالك و بلاش الحركات الكتير اللي بتعمليها دي و كلمي حسن بلغيه انك هتنزلي بلاش تهور هو لسه مصفيش من اللي حصل
نادرة حاضر حاضر..
بعد مدة 
غيرت هدومها و نزلت بعد ما كلمت حسن و طلبت منه تخرج شوية لأنها زهقانه من البيت و هو وافق بعد محايله كتير منها لكن طبعا بعد ما ادالها الوصايا العشر
كانت بتتمشي على الشط في مكان عام و معروف في اسكندرية اخدت نفس عميق و هي سرحانة لحد ما فاقت على صوت شاب بيزعق 
بصت لمكان الشاب كان واقف مع بنت و هو بيزعق لطفلة صغيرة و هي بټعيط و الناس بيتفرجوا
البنت 
خلاص يا سيف الناس بتتفرج علينا
سيف بحدة
خالص ايه بقولك دي حرامية سړقت السندوتشات و ياعالم لو سړقت حاجة تاني دوري في حاجتك احسن تكون سرقتك ما هي بلاوي بتتحدف علينا
أروى بصتله بضيق و هي بتدوري في شنطتها و اتأكدت أن حاجتها كلها كاملة
اهوه يا سيف مفيش حاجة اتسرقت سيب البنت بقا.
سيف بقرف و هو بياخد منها السندوتش و بيرميه 
امشي من هنا يا بت و بطلوا سړقة بقا جاتكم القرف مليتوا البلد
نادرة و شافت المشهد كله و ركزت مع البنت الصغيرة باين انها صغيرة جدا حوالي خمس أو ست سنين مش بتتكلم و بټعيط و باين عليها الخۏف
نادرة بصوت عالي و ڠضب 
ما هو فعلا جاتكم القرف مليتوا البلد...
سيف و أروى بصلوها و هي حاطه ايدها في جيب البلوفر و بصلهم بثقة و ڠضب
سيف
انتي بتكلميني انا
نادرة بلامبالة
أمك....
أروى 
افندم!
نادرة بصت للبنوته و نزلت لمستواها بحب 
أسمك ايه
البنت خاڤت و بصت في الأرض و هي بتبعد عن نادرة
نادرة ابتسمت بحب و بترفع رأسها بحنان 
مټخافيش مش هعملك حاجة... انتي اسمك ايه... انا أسمى نادرة
البنت مردتش و هي بتبص حواليها پخوف و الناس متجمعين 
نادرة قامت و بصت لسيف بغرور و بهدوء طلعت فلوس من شنطتها حطيتهم على التربيزة ادامه
لو دا التمن اللي يخليك متكسرش قلب طفلة اتفضل حق السندوتشات.... بس صدقني دا كسر القلب تمنه غالي اوي أنت متقدرش تدفعه
رجعت بصت للبنت اللي معه
أنا لو مكانك افكر قبل ما ارتبط بشخص زي دا... الموضوع محتاج تفكير برضو.
سابتهم و راحت للبنوته اللي باين أنها متشردة لكن كانت جميلة رغم ان شكلها مبهدل و هي بټعيط و بصه في الأرض
نادرة ابتسمت بحنان و شالتها
البنت بصتلها پخوف و نادرة اتكلمت بمرح
ايه رايك نبقا صحاب 
شوفي أنا أسمى نادرة و بحب البنات جدا و بحب القطط عندي قطة اسمها بسبوسة
هو انا اللي اديتها الاسم دا. 
انتي اسمك ايه بقا
البنت ملامحها كانت بريئة و حزينة بصت لنادرة و اتكلمت ببراءة 
انا كنت جعانة و سړقت السندوتش
نادرة حست بالحزن لكن ابتسمت بحب
بس انا مسالتكيش.... ايه رأيك ناكل سوا انا كمان جعانة اوي
البنت بحزن كبير 
بس مينفعش أنا مش كويسة أنا حرامية
نادرة اتنهدت بحزن و دخلت مطعم صغير طلبت أكل ليهم 
الجوسون حط الاكل على التربيزة و هو بيبص للبنت الصغيرة باستغراب
نادرة فضلت تبص لها و هي بتبص للأكل بجوع بخجل
نادرة ابتسمت و بدأت تأكلها و البنوتة بتبصلها بتوتر و ارتباك
بعد الأكل 
نادرة 
ممكن بقا تقوليلي أعرف أسمك
البنت پغضب و لمعة دموع و طريقة كأنها بنت كبيرة 
أنتي عايزاه مني ايه عايزاه اقولك شكر انك عطفتي عليا
نادرة باستغراب 
انا مش عايزاه حاجة انا بس خفت عليكي
البنوتة دموعها نزلت و سكتت 
نادرة حست أنها عايزاه ټعيط و متكلمتش هي كمان 
لحد ما البنوتة بصت في الأرض و اتكلمت
بحر أسمى بحر... أنا آسفة
نادرة 
اسمك حلو اوي يا بحر حلو اوي....
بحر ابتسمت ببراءة 
أنا مكنش قصدي هم كلهم بيقولوا ان اللي زينا شحاتين و أنا كنت جعانة علشان كدا سړقت الاكل
نادرة بابتسامة و هي بتمسح دموع 
و أنا مش زعلانة.... بس ممكن متعيطيش عارفة انا زمان كنت برضو بعيط بس مكنتش بحب حد يشوف دموعي...
بحر 
أنا هرجعلك فلوسك بس اديني يومين هخلص شغل و...
نادرة بمقاطعة و استغراب
شغل ايه!
بحر سكتت و هي بتبص لنادرة 
نادرة 
لو مش عايزه تتكلمي أنا مش هضايقك
بحر
أنا بقعد جانب المسجد... بشحت
نادرة بلعت ريقها بصعوبة و هي بتبصلها بحزن 
طب هي مامتك فين و عيلتك
بحر هزت كتفها بحزن و لامبالة 
معرفش أنا معرفش حد.... انا همشي بقا خالص و نتقابل هنا بعد يومين
نادرة بسرعة 
أنتي رايحة فين
بحر 
همشي بقا.... سلام... هيجيلك يوم العيد هنا 
نزلت من على الكرسي العالي بالنسبة لطولها و مشيت بسرعة نادرة حست بۏجع كبير و دموعها نزلت ڠصب عنها لأنها متأكدة ان في الف بحر موجودين حوالينا في المجتمع لو حسوا بشوية حنان من المجتمع هيكون بالنسبة ليهم حاجة غريبة رغم سنها الصغير الا ان الحياة فرضت عليها تكون دي متشردة مش عارفة ذنبها ايه و لا ايه مصيرها 
غير انها تكون منبوذ من المجتمع.
بعد مدة في بيت
حسن
حسن وصل البيت دخل لقى نور اوضة النوم متاض هز رأسه و هو مش عارف يعمل ايه معها 
نفسه و يقولها أنه بيحبها و خاېف خاېف يجي اليوم اللي يفقدها فيه و تكون لحد غيره بس برضو مش قادر يعدي الموضوع بالسهولة دي
دخل الأوضة لقى نادرة ساجدة و بتصلي 
قعد على طرف السرير و بصلها و استغرب لأول مرة انها طولت في السجود على عكس ما كانت بتقوله دايما انها معندهاش حاجة تدعي بيها و ان دماغها بتوجعها لما بتسجد كتير.
سمع صوت شهقاتها قعد على الأرض و فضل مستنيها تخلص و هو خاېف عليها 
نادرة خلصت صلاة و هي بټعيط و حاسة بۏجع على حال البنوتة الجميلة دي
حسن بود 
مالك يا نادرة انتي كويسة
نادرة بصتله و هي بتمسح دموعها حسن هي فضلت ټعيط
حسن أنا زعلانة أوي اه و الله العظيم زعلانة اوي و حاسة بۏجع أول مرة أحس الأحساس دا أنا مكنتش اعرف اني عايشة في كل النعم دي.
حسن باستغراب
ممكن تهدي و تحكيلي مالك و حصل ايه
نادرة بدأت تحكيله الموقف كله و هو كان بيسمعها بهدوء... ابتسم بحب و حنان
نادرة بغيظ 
أنت بتضحك
حسن بحب
عارفة يا نادرة انا لو معمول ليا عمل كان زمانه اتفك بس واضح كدا ان نصيبي و نصيبك أننا مهما بعدنا يجي اللي 
انتي عارفة انا بحبك ليه
نادرة
ليه
حسن و ابتسم 
علشان دا.... دا لسه نضيف و كأنه قلب عيلة صغيره قلب بنت طيبة بنوتة جمالها الحقيقي موجود جوا قلبها سبحان من جمعني بيكي 
رغم أني زعلان منك و متضايق لكن سبحان الله مش قادر ابعد عنك 
بكون مخطط لحاجة و مخطط اني ابعد بس بتيجي اني بحركة بسيطة جدا عفوية بټخطفي قلبي من جديد
نادرة ابتسمت بخجل و هي بتبص في الأرض 
و حسن كمل كلامه 
عارفة أنا بحبك و مش بتكسف ابدا و انا بقولها بالعكس أنا دايما بكون فخور اني حبيتك و أنك مراتي يمكن وجعتيني اوي و اول مرة احس اني مكسور كانت بسببك بس برضو مش قادر يا نادرة مش قادر أبعد 
كأن مكتوب عليا العڈاب جانبك و أنا راضي بيه
نادرة بسرعة 
و الله العظيم أنت فاهم غلط يا حسن... أنا بحبك... بحبك اوى 
و اللي حصل مني كله كان علشان انا حبيتك و خۏفت عليك مكنتش عايزاك تاذي نفسك مع فريد دا واحد ميعرفش ربنا مكنش عنده مانع يقتلك و يسرق تعبك
و كمان
حړق بيتك.... 
انا خۏفت عليك تعرف و الله العظيم خفت عليك كل مرة كنت كنت بطمن و بحس اني