البنات شكلها حلو
هطلع أخده...بجد مش عارفه أشكركوا إزاي.
_حنين عايزة أفضل هنا شوية ممكن
لا يا مريم تقلنا عليهم انهارده.
_سيبيها يا حنين تبات هنا انهارده.
بعد إذنك يا أسامة سيبني أتعامل مع أختي ومتتدخلش.
_تعالي يابنتي باتي معانا انهاردة إنت ومريم.
أسفة ياطنط مش هينفع ربنا يباركلك.
_المكان واسع والأوض كتيرة إحنا فاتحين الشقتين على بعض وأسامة هيقعد في الشقة التانية
مامته دخلت الأوضة... _عاملة إيه يابنتي محتاجة حاجة
ربنا يباركلك يا طنط تسلمي.
_طنط دي مسمعهاش تاني قوليلي ياماما يا سوسو أي حاجه غير طنط دي فاهمه
_اسم الله عليك مالك بټعيطي ليه حاجة ضايقتك مننا
كنت محتاجة الحضن ده من زمان حضنتها وفضلت أعيط وهيا تطبطب عليا وتهديني لحد ما نمت كانت أول مرة أنام وأنا حاسة إني خفيفة مش مليانة هموم نمت وأنا متطمنة.
_قوم يا أسامة وصل حنين الشغل وهاتلي من السوبر ماركت إللي تحتهم جبنة.
ما في يا ماما جبنة في كل حتة! اشمعنى أجيب من عند شغل حنين
_أنا بحب الجبنة إللي هناك اسمع الكلام ومتتلامضش.
ماما هو إنت دوقتيها قبل كده أصلا
حااااضر.
ملوش لزوم أنا هروح لوحدي.
_ماما عيزاني أجبلها طلبات من هناك كده كده همشي من نفس الطريق.
مع إني شايفة إن ملوش داعي.
_إركبي.
إي ده إحنا مش هنروح بالباص
_لا.
أومال ركبت الباص ليه قبل كده
_ساعات بستسهل وبركب الباص.
ركبت معاه وقلبي بيدق لسبب ما أنا معرفوش.
_مش هتقوليلي قرارك
عشان هتكوني مراتي تخيلي
أومال أنا كنت بكلم نفسي إمبارح هو إنت فهمتي
كلامي
_أنا
يعني شرشوحة ومتسرعة وكمان غبية يارب عينني على البلوة دي.
_عادي مش مضطر تتحملني.
عينيك لونها إيه أنا مش هتجوزك لأجلك أنا هتجوزك لأجل أجيب بنات شبهك وليهم نفس عينيك وأفضل أعاكس فيهم.
_افرض مطلعوش شبهي ومخدوش لون عيني
لو مطلعوش شبهك أكيد هيطلعوا شبهي وهيكونوا قمرات عشان أنا قمر ومفيش مني اتنين.
_أيوة جدعة نامي بقى وريحي على كتفي واصحي بصيلي بعيونك البريئة دي واصدميني بوصلة تهزيق.
فتحت عيني _منمتش علفكرة وبعدين مجتش جمبك بطل تتلزق في الناس.
أنا عارف إنك خاېفة ياحنين وداخلة على حياة جديدة مجهولة بس خليك واثقة إن ربنا مش هيضيعك وفعلا مش هتلاقي أفضل من أهلي...مش بقول كده عشان هما أهلي بس بجد أما تعاشريهم هتعرفي إن كلامي صح.
راجع عشان نكتب كتابنا باباك موافق من أول مرة كلمته فيها ناميلك شوية بقى لحد ما نوصل وودعي حياة العزوبية.
_إيه!
مقولتيليش لون عينك إيه
النهاية
